Normativa de réxime interno e condicións do aloxamento

O albergue é un establecemento destinado ao aloxamento de todo tipo de hóspedes. A continuación detállanse as normas de réxime interno e condicións do aloxamento.

O uso das instalacións e servizos do albergue estarán suxeitos a aboar as tarifas aprobadas pola dirección deste.
Os hóspedes menores de idade deberán de dispoñer de autorización para facer uso do albergue.
Os grupos de estudantes, asociacións, sociedades deportivas, etc. deberán contar con algún membro maior de idade, o cal será responsable do grupo.
A dirección do albergue realizará a distribución de liteiras para un maior aproveitamento do espazo.
No albergue está prohibido fumar, consumir bebidas alcohólicas ou calquera substancia prohibida.
Non se permite a entrada de mascotas.
Todos os hóspedes do albergue deberán coidar as normas sociais de convivencia e hixiene.
A habitación é para durmir, débese de respectar o descanso dos compañeiros e compañeiras.
O albergue non se fai responsable de posibles perdas ou roubos.
Todo usuario deberá ter coidado coa conservación das instalacións e mobiliario deste. No caso de calquera dano deberá comunicalo á dirección e esta avaliará se ten algún tipo de consecuencia. En calquera caso, o hóspede que cause algún deterioro de mobles ou instalación responderá dos mesmos.
O servizo de lavandaría e secado está dispoñible para todos os usuarios (aconséllase lavar a roupa en grupos, para aforrar). Deberá solicitalo á dirección e abonar a tarifa establecida.
Cada hóspede disporá dunha cama nunha liteira e armario individual. Ademais, contará cunha funda de almofada, funda de colchón, edredón e toalla.
O responsable do albergue poderá modificar ou variar as normas do servizo ou variar as condicións debido a calquera circunstancia que o aconselle, por urxencia ou causa maior.
O incumprimento destas normas pode ocasionar a expulsión do infractor.
Existen follas de reclamación á disposición dos hóspedes.